女士 3x歲 幾日前吹風後皮膚出現痕癢紅腫，周身發作，無固定部位。
圖中患者經濃縮中藥養血祛風治療4天後已康復。
最近天氣轉涼，唔少人吹親後都出現蕁麻疹情況，
女士較男士多見，女士們千其唔好愛靚唔愛命，
都係著多件衫帶返條頸巾穩陣啲， 除咗預防吹親起風癩外，
最緊要係唔好凍親感冒， 非常時期咳兩聲嚇親人就唔好啦。
蕁麻疹分為急性與慢性兩種，小於六週為急性蕁麻疹，
多於六週就係慢性蕁麻疹了。
上面個案屬於急性蕁麻疹，一般急性數天內可治癒，
若果處理不當，拖長咗有機會轉為慢性蕁麻疹，
慢性蕁麻疹需耐心治療，時間則以月計，纏綿難愈，手尾比較長。
#中醫 #荃灣中醫 #風疹 #蕁麻疹 #慢性蕁麻疹